Anoetako Udal Pilota eskolari dagokionez, aurrebenjaminek (LH1-2) astelehen eta asteazkenetan izango dituzte saioak 17:15etik 18:15era; benjaminak (LH3-4) astelehenetan 18:15etik 19:15era bilduko dira eta ostegunetan 17:15etik 18:15era; alebinak (LH5-6) astearteetan 17:15etik 18:15era eta ostegunetan 18:15etik 19:15era; bukatzeko infantilak (DBH1-2), astelehen eta ostegunetan entrenatuko dira 19:15etik 20:15era.
Anitz dantza taldeak aipatu duenez, antolaketa arrazoiak direla eta, irailean ez dute deialdirik egingo, beraz, izen emateko aukera bakarra orain dago, maiatzaren 21era arte. Ohartarazi dutenez, epez kanpo izena ematen duenak ez du plazarik izango. HH3tik LH1era bitarteko umeek ordubeteko saioa izango dute astean behin, eta matrikularen prezioa 65 eurokoa izango da; LH2tik LH6ra bitartekoek, astean ordu eta laurdeneko saioa izango dute eta prezioa 80 eurokoa da; bukatzeko DBH1etik aurrerakoek 95 euro ordaindu beharko dituzte eta astean ordu eta erdiko saioa izango dute.