Koronabirusa

Ekainean erabakiko du udalak aurtengo udalekuak egin ala ez

Tolosaldeko Ataria 2020ko mai. 5a, 11:53

Momentuko egoera eta araua zein den kontuan hartuta hartuko dute erabakia, Iratxe Olano Gazteria teknikariak jakinarazi duenez.

Anoetako Udaletik, Iratxe Olano Gazteria teknikariak herriko gurasoei mezu bat helarazi die udalekuei buruz: "Udaletik, udalekuen gaia presente dugula adierazi nahi diegu gurasoei, baina COVID-19 birusak sortu duen osasun alarma dela eta, udalekuak nola antolatu pentsatzen ari gara: zer neurri hartu, nola bideratu, zer egin...".

Ez dago udalaren esku, eta momentuko egoera eta araua zein den kontuan izango dute erabakia hartzerako. Hori dela eta, ekaineko lehen astean konfirmatuko dute udalekuak antolatuko diren ala ez. Gaiarekiko edozein zalantza izanez gero gazteria departamentuarekin harremanetan jartzeko deia luzatu dute: gazteria@anoeta.eus helbidean edo 688 761 343 telefonoan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!