Lehen mailan txapela Anoetako Su-berri 2 taldeko Maizak eta Eizmendik jantzi zuten, elkarte bereko 3 taldeko Garmendiaren eta Mendizabalen aurka.
Elite mailakoan Maider Mendizabal anoetarrak Irazustabarrenarekin batera jokatu zuen finala, eta 26-30 galdu zuten Murilloren eta Saezen aurka.
Hirugarren mailan Larraun elkarteko Berakoetxea-Galartza bikoak 30-16 irabazi zioten Alegialdeko Intxurre 2ko Agirre-Olano bikoaren aurka. Bigarren mailan ez zegoen eskualdeko ordezkaririk, eta Aiako elkarteak 21-20 galdu zuen Hernani 2ren aurka.
Euskadiko Pilota Federazioak antolatzen duen Emakumezkoen Gomazko Paletako Euskal Herriko Irekiaren finalak jokatu dira asteburuan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!