Sexune taldeko Elene Jimenez sexologoa arituko da bi egunetan azalpenak ematen eta nerabeen gurasoentzat eta nerabeekin lan egiten dutenentzat prestatu dituzte saioak. Anoetako Herri Ikastolan 17:00etatik 19:00etara izango dira saioak eta izen emateak bertan egin beharko dira, martxoaren 6a baino lehen. "Sex-ixiltasuna apurtzeko bideak. Nerabeen sexualitatearen bidaia kideak" izenburua eramango du formazio saioak.
Ikastaroak doan
Cebanc profesionalen prestakuntzarako elkarteak Anoetako Udalarekin batera hainbat ikastaro antolatu ditu. Doakoak dira eta martxoaren 13ra arte eman daiteke izena. Udaletxean, liburutegian edota infokultura@anoeta.eus helbidean eman daiteke izena.
Honako ikastaro hauek antolatu dira eta ordutegia partaideen arabera zehaztuko da:
- Adimen emozionala pertsonen arteko eta norbere buruarekiko harremanak hobetzeko (20 ordu)
- Nire bakardadearekin soinean. Bakardadea modu positiboan gainditzeko baliabideak (20 ordu)
- Boluntarioen partaidea eta sentsibilizazio tailerra (20 ordu)
- Etxeko lehen sorospenak eta arriskuen prebentzioa (20 ordu)