Oier Aranzabalek zuzendutako Margolaria filmaren proiekzioa eta Mikel Urdangarinekin batera egingo duen solasaldi musikatua 18:00etan izango da, Mikelasagasti auditorioan. Hiru euro ordaindu beharko dira sartzeko.
Biharko hitzordua
II. mus txapelketa azkarra antolatu dute biharko. Frontoian izango da, 16:00etatik aurrera. 15:30etik aurrera izena emateko aukera zabalduko dute, eta bikote bakoitzak 40 euro ordaindu beharko ditu. Lehen zortzi bikoteek saria izango dute.
Joskintza ikastaroa
Urtarrilaren 10etik martxoaren 8ra bitarte, josten ikasteko aukera izango da Anoetan. Izena, ordea, urtarrilaren 8a baino lehen eman beharko da liburutegian edota infokultura@anoeta.eus helbidean. Saio horiek ostiraletan egingo dituzte, 15:00etatik 17:00etara ikasketa gelan. 45 euroko kostua izango du.