Anoetako Gaztetxean egun berezia izango dute larunbata. Izan ere, belaunaldi berriari ongi etorria emateko asmotan, Gazte Eguna antolatu dute. Goizean goizetik hasita, ez da aspertzeko betarik izango.
11:00etan hasiko dute eguna hamaiketakoa eginez eta jarraian, ongi etorri asablada egingo dute. 14:00etarako bazkaria prest izango dute. Bertaratu nahi dutenek izena eman beharko dute Arkupe tabernan edo gaztetxean. Bukatutakoan, jolasean arituko dira eta 19:00etan Intzirik joko du. Afaltzeko tartea ere hartuko dute 20:30ean eta festarik ez da faltako 22:00etan hasiko diren Joxpa erromeri taldearen eta DJ Tasound systemen emanaldiekin. Beraz, izango da zertaz gozatua.