Asteazkenean, uztailak 24, Tolosa CFko pala txapelketaren finalak jokatu ziren Tolosan. Lehen mailako finalarekin batera beste hainbat kategorietakoak ere jokatu ziren.
Garbisu-Martinez bikote beratarra egin zen bigarren mailako 51.Tolosa C.F. pala txapelketaren txapelarekin Tolosako Iraola-Gonzalez bikoteari final estu batean 30-28 irabaziz.
Emakumezkoetan, Agirre-Aranburu izan ziren 51. Tolosa C.F. pala txapelketaren txapeldunak, 30-21 emaitzarekin, Ekhine-Eider bikotea menpean hartu ondoren.
Txapeldun, azpi-txapeldun, partaide, ikusle, babesle eta antolakuntzako kideei eskerrik handienak eman dizkie Tolosa CF Palistak taldeak, "beste urte betez pala festa honetaz Tolosan gozarazteagatik".