Europako 20 urtez azpiko Atletismo Txapelketan parte hartu du Ander Uranga Tolosa CFko atleta anoetarrak. Espainiako selekzioak hautatuta, 4x100 metroko proban lehiatu da, bosgarren postua lortuz. Uranga Bernat Canet, Juan Gonzalez eta Oscar Izquierdorekin batera aritu da txandakako proban.
Finalean sailkapeneko proban baino denbora hobea egin zuten, eta 40,53ko denborarekin bosgarren postuaren lehian izan ziren Poloniako selekzioko atletekin batera, bukaera arte. Proba seigarren bukatu bazuten ere, Britania Handiako selekzioa kanporatu egin zuten eta, beraz, bosgarren postuarekin geratu ziren Uranga eta taldekideak.
Atleta anoetarrak 4x100 metroko proban parte hartu du Espainiako selekzioarekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!