Anoetako jaiak 2019

Ikastolari gorazarre egin dio herriak

Anoetako ikastetxeak aurten 50 urte bete ditu eta ospakizunei amaiera emateko herriko jaiei hasiera emateko suziria pizteko ohorea izan dute ikastolako ordezkariek; bihar Korputs eguna izango da, jai egun handia Anoetan

Gaur lehertu da festa Anoetan. Txalapartariek kukuaren etorrera iragarri dute eta elizako kanpandorretik udaletxe atarirainoko bidea egin du Anoetako ikur denak. Aurten, 50. urteurrena duenez, Anoetako Herri Ikastolak izan du pregoia irakurtzeko ohorea eta Joxean Aparicio lehendakariak eta Maialen Mujika kudeaketa batzordeko kideak hartu dute lan hori. Ikastolako zuzendari Itziar Lazkanok etxafuegoa piztu ondoren, ikastolak berak antolatzen duen danborradan parte hartzen duten umeak hasi dira kantuan.

Sardina jatearekin eta gaueko erromeriarekin osatuko dute eguna anoetarrek eta, bihar egun handia izango dute. Besteak beste, mozorro eguna izango dute eta herriko eragileek antolatutako saiheski jatea izango da plazan. Astelehenera arte luzatuko dituzte aurten festak Anoetan, San Joan egunarekin bat eginez.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!