Asteazkenean lehertuko da suziria Anoetan, baina, dagoeneko, kuadrillak festan dabiltza. Kuadrilla eguna ari dira ospatzen.
Korrika hasi dute eguna Anoetan. Haurren eta helduen krosak izan dituzte goizean goiz, eguna behar bezala hasteko. Txirrindulari lasterketa ere izan dute, eta eguerdian lehertu da kuadrilla eguneko txupinazoa. Frontoian giro ederrean bazkaldu ostean, kuadrillen arteko jokoak egin dituzte plazan. Pikeak pike, barre algara artean pasatu dute arratsaldea. Iluntzean, berriro ere frontoira gerturatuko dira afaltzera, eta gauak Iratzar erromeria taldearekin jarraituko du, goizaldera arte.
Hemen, datozen egunetarako egitarauak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!