Partaide guztiek alkandora eta galtza zuriak eraman beharko dituzte eta taldeka antolatuko dira. Haur Hezkuntzako bigarren eta hirugarren mailakoek eta Lehen Hezkuntzako lehen mailakoek txapela, gerrikoa, lepoko zapia eta danborra berdeak eramango dituzte. Lehen Hezkuntzako bigarren, hirugarren eta laugarren mailakoek, txapela, gerrikoa eta lepoko zapia gorriak. Bukatzeko, Lehen Hezkuntzako bosgarren mailatik aurrekoek, txapela eta gerriko beltzak eta lepoko zapia Anoetako festetakoa eraman beharko dute, edo bestela, eguberritako laukiduna edo beltza.
Aurten ere gurasoak danborradan parte hartzeko aukera izango dute, beti ere, gutxienek 12 laguneko talde bat osatuz gero. Bide batez, udalak danborrada parekideagoa antolatzeko deia egin du, zaintza lanak emakumezko eta gizonezkoen artean banatuz.
Entseguak egingo dira ikastolan datozen egunotan: Ekainaren 11n, asteartez, 17:10ean, eta ordu berean, ekainaren 17an, astelehenez.