Ekainaren 8an, larunbata, 16:00etan hasiko da lasterketa eta izen emateak ikastolan, udaletxean edo liburutegian egin beharko dira ekainaren 6a baino lehen. Benjaminek, alebinek eta infantilek parte hartu ahal izango dute eta sariak egongo dira maila bakoitzeko sailkatzen diren lehen eta bigarren neskentzat eta lehen eta bigarren mutilentzat.
Sortalde-Igarabide-Solkorre-Iturtxulo ibilbidea egin beharko dute txirrindulari lasterketan parte hartzen dutenek eta buelta kopurua mailaren arabera aldatuko da. Parte hartzaileak, 15:30ean egon beharko dira Sortalden. Bizikleta eta kaskoa eramatea beharrezkoa izango da.
Festako krosa
Ekainaren 15ean, larunbata, 09:30ean herriko plazatik abiatuko da herriko festetako umeentzako krosa. Izen emateak, ikastolan, udaletxean edo liburutegian egin beharko dira, ekainaren 7ra arte.
Aurrebenjamin eta benjaminek 600 metroko ibilbidea egin beharko dute, alebinek 1.100 metrokoa eta infantil eta kadeteek 1.300 metrokoa. Sariak egongo dira parte hartzaileentzat.
Anoetako Kirol Klubak, Anoeta Herri Ikastolak eta Anoetako Udalak antolatzen dute elkarrekin krosa.