Anoetako esperientziaren berri emango dute Udako Ikastaroetan

Ekainaren 6an, Eibarren, ‘Elikadura Politikak Toki Administrazioan’ deituriko jardunaldian, ‘Anoetako baso eta landa garapen proiektua: errealitatetik etorkizunera eraginez’ ponentzia eskainiko dute Pello Estangak eta Maddi Sarasolak.

Landaola federazioak EHUko Udako Ikastaroen baitan antolatu du jardunaldia. Ikastaro honetan Elikadura Politika Publikoak nazioarteko agertokian garatzen ari diren papera aztertuko da. Kontsumo indibidualetik haratago, udal mailako konpromisoen gauzatzea nola errealitate egin daitekeen ezagutuko da ordezkari eta eragile ezberdinen eskutik.

Ikastaro honetako ponentzietako bat ‘Anoetako baso eta landa garapen proiektua: errealitatetik etorkizunera eraginez’ izango da eta Pello Estanga Anoetako alkateak eta Maddi Sarasola proiektuaren dinamizatzaileak emango dituzte azalpenak.

Elikadura politikak toki administrazioan ikastaroan izen emateko epea zabaldu dute eta Udako Ikastaroaren webgunean eman daiteke.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!