Behin behineko aparkalekuak egokitu dira Leku Eder etxea zegoen inguruan

Txulo baserrirako bidea txokerik gabeko eremu bihurtu da, ikastolarako bidea arrisku gabe utziz.

Anoetako Udalak ibilgailuekin erlazionatutako bi soluzio burutu ditu azken asteetan. Aparkalekuak eta ikastolarako bidea kotxe gabe izatea dira proposamenak.

Alde batetik, herrian aparkaleku arazoa dutela jakitun izanik, behin behineko soluzio bat ematen saiatu da udala. Leku Eder etxea zegoen tokian zorua egokitu da (argazkian) eta kotxeentzat behin behineko aparkaleku bat izango da eta honen alboko lurzorua ere egokitu egin da, ibilgailu luze eta autokarabanentzat. Anoetako Udalak espero du erabaki honen bidez herriguneko aparkalekuak pixka bat libratuko direla eta aparkalekuen arazoa arinduko dela.

Bestetik, Txulo baserrira doan bidea kotxeentzako itxita geratuko da hemendik aurrera, honela, ikastolara doazen gaztetxoek kotxe gabe, eta beraz, arrisku gabeko ibilbidea izango dute.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!