Maider Mendizabal, txapeldunorde Emakumea Pilotari Txapelketan

Maider Mendizabal, txapeldunorde Emakumea Pilotari Txapelketan
Maider Mendizabal, finalaren une batean. GIPUZKOAKO PILOTA FEDERAZIOA

Eskuz binakako Emakumea Pilotari Txapelketaren lehen mailako finala jokatu zen ostiralean, Zestoan, eta Maider Mendizabal anoetarrak, Nora Mendizabal bikote zuela, 22-12 galdu zuen Urien-Espinar bikotearen aurka.

Hasieratik txapeldunek tartea ireki zuten markagailuan, eta 10-2 jarri ziren. Ondoren, abantaila horri eustea nahikoa izan zen partidaren bigarren zatian txapela eramateko. Txapeldunordeak saiatu ziren markagailuari buelta ematen, baina ezinezkoa izan zen. Espinar izan zen partidako onena.

Ligaxkan elkarren aurka jokatutako partidarekin zerikusirik ez zuen izan finalak, ligaxkan Mendizabal-Mendizabal bikotea gailendu baitzen.

Lehen mailako finalaren aurretik bigarren mailakoa jokatu zen Zestoako pilotalekuan, eta bertan Zubizarreta-Badiola bikoteak 22-14 irabazi zion Arteaga-Agirre bikoteari.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!