"Kontzeptu eta teoria potoloa bada ere, zaintza erdigunean jarri eta egunerokotasuneko egoerak aztertu genituen", esan dute tailerrean bildutako emakumeek. "Zer nolako sentimendu eta zapalkuntzak jasaten ditugun hausnartu genuen, amaieran, jolas baten bidez, feminismoaren definizioa osatu arte".
Larunbat arratsalde "goxoa" pasa zutela azpimarratu dute, "bakoitzaren bizipenetatik, belaunaldien arteko ezberdintasunetatik, jolasean eta umorez harremanak sendotuz. Ziur gaude aurrerantzean ere jarraituko dugula horrelako topaketak egiten".
