Berdinbideanekin lantzen duten urteko planifikazioaren barruan kokatu du udalak ekintza hau, Indarkeria matxistarik gabeko Gipuzkoa lan ildoaren barruan. "Horregatik eta argi izateko herritarrek zein bisitariek, Anoetan indarkeria matxista ezabatzeko lanean ari garela eta beraz, ez dela halakorik onartuko bertan, plaka bat jarri dugu herriko sarreran".
Anoetako Udalak azaroaren 25erako indarkeria matxistaren aurka elkarretaratzea deitu du eta jendarte osoari ere dei egiten dio bertaratu dadin. "Azaroaren 25a, emakumeen kontra burutzen den indarkeria mota oro, guztiz onartezina dela esateko eguna da; gainera, indarkeria sortzen duten eragile eta egitura guztiak errefusatzen ditugula esateko eguna da, eta gure herrian ez dugula ez bakerik ez normalizaziorik izango emakume izate hutsagatik emakumeak hiltzen eta erasotzen jarraitzen den bitartean aldarrikatzeko eguna. Horregatik, egun honetan erakunde publikook, borroka horretan dugun lehentasunezko eragile-izaera berretsiz, konpromiso zehatzak hartu behar ditugu".