Anoetako baserriak eta bertako produktuak izan da aurtengo argazki lehiaketarako gaia. Guztira 17 argazki bidali dituzte, eta orain onenak aukeratu beharko dira, bozketa bidez, datorren urteko egutegia zeintzuk osatuko duten erabakitzeko.
Bozketa fasea martxan da, eta bi modu izango dira: http://www.anoeta.eus/eu/argazki-lehiaketa webgunean edo kiroldegian. Pertsona bakoitzak hiru argazki aukeratu ahal izango ditu, eta boto kopuru gehien jasotzen dituzten irudiek osatuko dute egutegia.