Anoetan estalpe baten beharraren inguruan hausnartzeko partaidetza prozesua jarri du martxan Anoetako Udalak. Honen inguruko hausnarketa egiteko herritarrekin hiru bilera egingo dira, eta lehenengoa urriaren 27an izan zen. Bertaratutakoekin, estalpeak izan beharreko kokapena, erabiltzaile eta erabileraren inguruko hausnarketa egin zen. Udalaren webgunean ikusi daiteke memoria. Ikus saioaren memoria.
Behin hau definituta, bigarren saio bat egingo da azaroaren 14ean, estalpearen kokapen zehatza eta ezaugarri fisikoak adosteko. Lanketa hau egiteko irudi eta plano zehatzak erabiliko dituzte, bisualki errazagoa izan dadin eta denok irudikatu ahal izateko zein izango den emaitza.