Gipuzkoako Foru Aldundiak, Europar Batasunarekin lankidetzan, Europako Kontseiluak sustatuko Ondarearen Europako Jardunaldiak ekintzaren edizio berria antolatu du. Erakunde askok hartzen du parte, tartean Anoetako Udalak, eta programak ondare kulturalari buruzko sentsibilizazioan sakondu nahi du.
Emakumeen emaria da edizio honetarako aukeratutako gaia, eta jardunaldien espirituari jarraituz, ondasun kulturalak sortu, zaindu eta transmititzeko garaian emakumearen eginkizuna ikustaraztea da asmoa. Beste alderdi askotan bezala, ezkutatuta edo kontuan hartu gabe egon dira ondasun horiek.
Anoetako Udalak, azken urteotan herriko adineko emakumeen testigantzak jaso ditu, beraien bizipenak bistaratu nahian eta herriaren historian izan duten garrantzia aitortzeko asmoz. Grabaketen laburpen bideoa eta osatu duten argazki bilduma digitala aurkeztuko dute, astelehenean, azaroak 5, 19:00etan Mikelasagasti auditorioan.