Ibilaldia era autonomoan osatzea litzateke helburua, oinez joan, bidean lo egin, eramandakoa jan eta oinez itzultzea etxera. Elkarbizitza lantzea, erabakiak hartzen jakitea eta daukaguna konpartitzea bultzatu nahi dituzte.
Lehen egunean Anoetatik abiatu eta Hernialdetik barrena Herniora joko dute. Bigarren egunean, Hernio, Gazume eta Anoeta arteko bidea egingo dute Alkizatik barrena.
Uztailaren 12an, ostegunarekin, 09:00etan aterako dira plazatik eta hurrengo egunean, 19:00etarako itzuli. Partaideek lehen eguneko bazkaria eta merienda eramango dituzte.
40 euro ordaindu behar ditu bertan parte hartu nahi duenak eta prezioan mendi gidaritza lana, erantzun zibileko asegurua eta mapa sartzen dira. Lehen eguneko afaria eta hurrengo eguneko gosaria, bazkaria eta sukaldatzeko baliabideak antolatzaileen kargu joango dira.