Anoetako herri mugimenduko kideok oso balorazioa positiboa egiten dugu. Programatu genituen ekitaldi guztiak egin dira, eta jai giro onean ospatu dira jaiak. Era berean, eskerrak eman nahi genizkieke Anoetako jaiez, herri mugimenduaren ekimenez eta guneaz gozatzera inguratu zareten guztiei.
Esker berezi eta sentitua eman nahi diegu gure ekimenak egin ahal izateko laguntza eman diguten herritarrei. 117 herritarrek osatu dituzte montatu ditugun bi txozna eta karpako txandak. Disfraz egunean 335 pertsona izan ziren saiheski jatean, eta 48 herritarrek egin zuten lana. Ekimenetan parte hartu duten herritarrik gabe, eta bereziki herri mugimenduari lagunduz txandak osatu dituzten herritarrik gabe ez litzateke posible izango.
Honek guztiak indarra ematen digu herri mugimendua osatzen dugun eragileoi aurrerantzean ere, bakoitzak bere eremutik, Anoeta bizi eta parte hartzaile baten alde lanean jarraitzeko.
Mila esker eta hurrengora arte!
