Anoetako jaiak gaur arratsaldean abiatu dira kukuaren jaitsierarekin. Danborradan parte hartu duten haurrek jarri diote doinua uneari eta Anoetako odol emaileen elkarteko kideek bota dute pregoia.
Herritarrak odola ematera animatu dituzte, "bereziki gazteak", eta azken 25 urteetan Anoetako elkartean jaso duten laguntzagatik eskerrak eman dituzte.
Txalapartariek egin diote harrera kukuari 19:00etan eta danbor soinuekin agurtu dute plazan zeuden haurrek. Pregoia entzun ondoren, suziria piztu eta festa lehertu da Anoetako plazan.
Kuku elkartekoek sardina jatea antolatu dute ondoren eta Loatzo musika eskolako trikitilariak atera dira kalera. Gauean Laket taldea ariko da plazan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!