Eskualdeko herrietako dantzariak Anoetan bildu dira goizeko hamarretarako. Herria alaitzeko dantza taldeek kalejira egin dute herrian zehar. Eguerdian, mokadutxoen dastaketa egin dute hainbat jatorritako herritarren parte hartzearekin. Eta jarraian, dantza taldek emanaldia eskaini dute frontoian. Arratsalderako ere badute zer ospatu. Zaldi lasterketa egingo dute kiroldegi ondoan, Gurdi Kooperatiba elkartearen laguntzaz, eta dantzarien eguna dela kontuan izanik, dantza ikuskizuna eskainiko dute Anitz Dantza taldekoek. Eguna borobiltzeko, taloak jateko aukera izango da.