Anoetako Gaztetxearen urtemuga ekitaldiak aurreko apirila bukaeran abiatu zituzten eta orain arte hainbat gai izan dituzte aztergai, mahai inguru eta hitzaldietan. Bihar, adibidez, EH Sozialistak 68ko maiatzaz hitz egingo du, 18:00etatik aurrera gaztetxean bertan.
Urtemugako festa nagusia, ordea, larunbatean izango da. Egun osoko festa prestatu dute gazte asanbladakoek eta arratsaldean, elektrotxarangarekin aterako dira kalera. Gauean kontzertuak izango dira eta 5 euroan jarriko dute sarrera salgai.
Errefuxiatuen inguruko mahai inguru bat eta Espainiako gerrari buruzko hitzaldi bat programatu dituzte datorren asterako eta hilaren 19an, ume jolasekin eta balorazio afariarekin amaituko dira urtemugako ekitaldiak.
XIX. URTEMUGA
Maiatzak 11, ostirala
18:00. 68ko Maiatza hitzaldia, EH Sozialista taldearekin.
Maiatzak 12, larunbata
12:00. Bertso patata.
14:00. Bazkaria.
Ondoren. Mahai jolasak.
18:00. Elektropapo elektrotxaranga.
21:00. Afaria.
23:00. Ingo al deu? eta Zigor DZ.