Kartela festetako egitarauaren liburuxkaren azala egiteko erabiliko da, beraz karratua izan beharko du eta gehienez neurri hauetakoa: 29,7 zm x 29,7 zm. Teknika librea erabili ahal izango da eta formatu digitalean ere aurkeztu ahal izango da JPG formatuan, gutxienez 300 ppi-ko erresoluzioarekin. Lan horren azalpen txiki bat aurkeztu beharko da eta testu batek agertu beharko du azalean: Anoetako jaiak 2018.
Epaimahaia parekidea izango da, Anoetako jai batzordeak osatuko du eta bere erabakia aldaezina izango da. Irizpide tekniko eta estetikoez gain, irizpide berdinzaleak ere kontuan hartuko ditu saria ebazteko orduan. Bi kartel hautatuko dituzte eta aurtengo festetako aldizkarian, bat azalean eta bestea barruko orrialdeetan joango da. Ebazpena apirilaren 27rako emango du epaimahaiak, beranduenez.
Bi sari egongo dira. Anoetako Herri Ikastolako ikasleentzat, herriko Kuku-Lore liburu dendan erosteko 40 euroko bonua eta gainerakoen artean banatuko da 120 euroko saria. Aurkeztutako lan guztiekin erakusketa bat antolatuko du jai batzordeak.