Eskualdeko emakumeek bi deialdi egin dituzte ostegun goizerako: 10:30ean kotxe karabana egingo dute eta ondoren 12:00etan elkarretaratzea Trianguloan. Anoetako emakumeek ere deialdi horrekin bat egin dute eta goizean kotxe karabana horretan eta elkarretaratzean parte hartuko dute. Auto karabana Tolosatik abiatuko da eta 11:00ak aldera iritsiko da Anoetara eta handik Aiztondo aldera jo, eta berriz ere bueltan, Tolosara itzultzeko.
Arratsaldean, kazerolada egingo dute Anoetako emakumeek 19:00etan herriko kaleak zeharkatuz. Ondoren, plazan elkartu eta asanblada bat egingo dute. Kantu batekin amaitutzat emango dute ekitaldia.