Prozesu luzea dute aurretik, lehen fasean, banakako elkarrizketei helduko zaie, bakoitzaren errealitatea gertutik ezagutu eta sektoreaz duten iritzia biltzeko. Horren ondotik, parte hartze prozesuari helduko diote. Landa nahiz baso ingurunearen egoeraz hausnartzea da helburua, aurrera begirako pausuak adostu ahal izateko.
Horrez gain, prozesu hau herritar guztiekin partekatzearen garrantzia azpimarratu nahi du Anoetako Udalak: "baserri ingurunearen eraldaketa, gizarte ohituren eraldaketarekin loturik dagoela uste dugu. Herritar guztiek dute zeresana, besteak beste, bertako elikagaien kontsumitzaile gisa edota natur ingurunearen onuradun gisa".
Beraz, Anoetako Udalak guztiei dei egiten die datozen hilabeteetan izango dituzten bilguneetan parte har dezaten.