Anoetako Mintzalaguna errealitatea da dagoneko. 14 lagunek hartuko dute oraingoz parte eta oraindik interesa dutenek eman dezakete izena. Egitasmoaren arduradunek herritar guztiak animatu nahi dituzte horretara, "guztien inplikazioa" beharrezkoa baita.
Pasa diren asteetan martxan jarri ziren talde guztiak eta partaideak "oso gustura" daude. Guztiek elkar ezagutu eta sarea osatzeko helburuz, pasa den ostegunean aurkezpen-afaria egin zuten. Giro "atseginean" elkarren berri izateko aukera eduki zuten, Kuku elkartean eginiko topagunean.
Aurrera begira, ekintza gehiago
Pasa den astekoa ekintza sorta zabal batekoa lehena baino ez zen izan, izan ere, ekaina bitarte herritar guztientzako moduko ekintzak antolatu dituzte. Anoetar guztiak daude gonbidatuta bertara, eta guztietan parte hartzen dutenen artean, gainera, sari interesgarriak zozketatuko dituzte.