Igandean bisita gidatua antolatu zen Anoetako Udalaren eskutik eta Oriaibaia Nordic Walking Elkartearen laguntzaz.
50 pertsona inguruk hartu zuten parte eta eguraldi ezin hobea egin zuen ibiltzeko eta Basagain herrixkaren inguruko azalpenak entzuteko.
Herrixkaren ezaugarriez eta bertan eginiko aurkikuntzez aritu zen hizketan Aranzadiko Xabier Peñalver, indusketa lanetako arduraduna. 20 urte baino gehiago daramatza Anoetara etortzen indusketa lanak egitera irailean. Oso azalpen interesgarriak eman zituen eta jendeak oso gustura eta adi jarraitu zituen Peñalverrek esandakoak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!