[GUTUNA] Mila esker Anoetako Herri Ikastolari!

Ataria 2017ko uzt. 6a, 16:28
Deskargatu Info Ahotsak :

Tolosaldeako Oporrak Bakean kudeatzen duten Maiatzak 20 aterpetxeak eta Tolosaldea Sahararekin Elkarteak honako gutuna egin dute publiko:

Uda iritsi da eta aurten ere Tolosaldeara 22 Saharar haur etorri dira bi hilabetez desertuko beroa utzi eta gurekin bizitzera, 10 haur familietara eta 12 aterpetxera.

 

Asko dira udaran zehar laguntzen gaituztenak; herrietako udalak, harrera familiak eta beraien ingurukoak, Saharako maratoi taldekoak aterpetxea txukuntzen, baita norbanako ugari arropa edota jostailuak eskainiz gerturatzen zaizkigunak, edota aterpetxerako janaria ekartzen digutenak.

 

Aurtengoan Anoetako Herri Ikastolatik ere jaso dugu deia, eta haur guztiei ikastolako ekipazioa eta txandala oparitu dizkiete. Poz pozik joan ziren denak, eskerrik asko!

 

Mila esker beraz zuen aletxoa jartzen duzuen guztioi, eskerrik asko haur hauen uda errazagoa izan dadin laguntzeagatik!

 

Gizartea Anoeta

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!