Iñaki Antiguedadek hitzaldia emango du Anoetan

Tolosaldeko Ataria 2017ko eka. 21a, 19:10

"Ur eta lurralde kultura ikasten: biharko iraunkortasuna gaurtik sendotzen" hitzaldia emango du EHUko Geologia irakaslea eta ikertzaileak eta Hidrogeologian katedraduna denak. Ekainaren 27an, asteazkena, 18:30ean izango da Anoetako auditorioan.

Ikasturte honetan Eskola Agenda 21 ekimenaren barruan uraren gaia landu dute. Maiatzean Anoetako Herri Ikastolan egindako lanketa horretatik ateratako ondorioak, hartutako konpromisoak eta hainbat proposamen eraman ziren udal forora. Ondorioen artean herritarrek ur kontsumoaren eta inguruko ibaiei buruzko nahikoa informazioa ez zutela ikusita, uraren inguruko hitzaldi bat antolatu du ikastolak, Anoetako Udalaren laguntzarekin.

Anoetako armarrian ibaiak duen garrantziaz gain, ur jarioek edertasunez beteriko paisaiak marraztu dituzte gure lurraldearen muinean" esan dute ikastolatik. Horregatik guztiagatik Anboetako altxorra den uraren ulermenetan eta zaintzan laguntzeko deia luzatu diete herritarrei, "denon artean Anoeta justuago eta jasangarriagoa lortuko dugulakoan".

Hitzaldiaren ondoren, zozketa bat egingo dute hurbiltzen diren guztien artean.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!