Asteburu batetik besterako zubia ederki ospatzen ari dira anoetarrak; gaztetxoenek playback-a izan dute, ostiral arratsaldeari ekiteko.
Iazko kantuak, aurtengoak, euskaldunak nahiz bestelako hizkuntzetan abestuak. Guztiek balio dute Anoetako jaietako playback-ean, eta haur eta gaztetxoek nahieran hautatu dute musika, haren gainean dantza egin, eta ahoa hitzen erritmora mugitzeko.
Playback-ak begirata, jakinmin eta senide asko bildu ditu herriko plazara, eta oholtzan trebatzeko hitzordu bikaina izan da neska-mutilentzat.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
