Igandean, 10:30ean Donostian Lilatoian hartuko dute parte Anoetako emakumeek eta ondoren Goikoetxea tabernan bazkaria egingo dute.
Martxoaren 6an, Neskatoak dokumentalaren proiekzioa izango da Mikelasagasti auditorioan, 19:00etatik aurrera. Jon Abril egilearekin solasaldia egongo da ondoren.
Martxoaren 8an, Emakumeen Nazioarteko Egunean, 15:15ean, Josebe Iturriozekin solasaldia izango da liburutegian. Lana, espazio pribatu eta publikoaren arteko banaketaz ariko dira eta 19:30ean ekitaldi instituzionala egingo da Kukuak Kantuz taldearen partaidetzarekin udaletxe aurrean. Ondoren, kantu-jira herrikoia egingo dute.
Martxoaren 10ean, bestalde, Lorratzak musika taldeak kontzertua eskainiko du 22:00etan Mikelasagasti auditorioan doan.
Ekimenekin bukatzeko, martxoaren 31n, ostiralez klown ikuskizuna izango da ikastolako DBH3 eta DBH4ko ikasleentzat. Sexigentziak askatuz izenburua eramango du eta liburutegian emango da.