Argazkilaritza helduentzat eta marrazketa eta pintura haurrentzat

Bi ikastaro antolatu ditu Anoetako udalak eta azaroaren 4a da izen emateko azken eguna. Udaletxean, liburutegian edo e-postaz (tsoto@anoeta.eus).

Helduentzat argazkilaritza ikastaroa egingo dute Anoetan eta argazki kamara motak eta objetiboak ezagutzeaz gainera, argia kontrolatu eta moldatzen eta formatuak eta postprodukzioa aztertuko dituzte. Hiru hileko ikastaroa izango da eta 100 euro inguruko prezioa izango du.

Lehen Hezkuntzako laugarren mailatik gorako haurrentzat berriz, marrazketa eta pintura tailerrak eskainiko dira. Hasieran marrazketa landuko da eta ondoren pintura mota ezberdinak: patela, olioa... Ikastaroaren prezioa 40 eurokoa izango da.

Bide batez, eguberriak antolatzeko bilera egingo dute, urriaren 27an, osteguna, 18.00etan Anoetako udaletxean.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!