Igandean, Euskal Jaia egin zuten Anoetan, eta euskal mitologiaren inguruan ardaztu zuten eguna. Gai horri segida emateko helburuz, sorginen inkisizioaren inguruko hitzaldia antolatu du Anoetako Emakume Taldeak. 19:00etan izango da, Elizako portikoan, eta Josebe Iturrioz izango da hizlaria.
Hitzaldiaren ondoren afari-merienda eskainiko dute, eta LEAR talde urnietarraren kontzertu akustikoa izango da ondoren. Herritar guztiak gonbidatu dituzte ekimenean parte hartzera.