Goiz goizetik hasi dira gazte egunarekin, goizeko 9:00etan gosaria egin dute eta ondoren, asanblada egin dute urteko balorazioa egin eta erronka berriak jartzeko asmoz. Asanblada ondoren, sagardo dastaketa egingo dute pintxo ezberdinekin lagunduta, bazkaltzeko paella prestatu dute elkarlanean.
Bazkaldu ostean, bideo proiekzioa izan dute eta horren ostean, poteoan ibili dira herrian zehar. Gauean, kontzertuen txanda izango da, 23:00etatik aurrera. Zaparra eta Eztanda taldeak igoko dira Anoetako Gaztetxeko oholtza gainera. Txirrisklasa banatuko da gauean, eta sarrera 5 eurokoa izango da.