17:30ean, ume jolasak izango dira eta 19:00etan desobedientzia zibilaren inguruko hitzaldia eskainiko du Ekai Txapartegik. Ondoren, asanblada izango da eta gauean, Erraustegiari ateak itxiz dokumentala proiektatuko dute.
Bigarren eguna, erraustegiaren aurkako informazioa zabaltzeko
15 pertsona inguruk igaro zuten lehen gaua kanpin dendetan: "Pixka bat busti gara, baina ondo egin dugu lo", adierazi dute. 10:00etan asanblada egin zuten, eta eguneko egitaraua antolatu zuten. Goizean, erraustegiaren inguruko informazioa zabaltzeko panelak eta eskuorriak egiten aritu ziren herritarrei informazioa zabaltzeko.
16:00etan asanblada egin zuten, eta 18:00tan harrera ekitaldi txiki bat egin zieten ekimenera hurbildu nahi izan zuten herritar guztiei. 18:30etan, erraustegiaren inguruko hizaldia izan zen Elizako portikoan, eta ondoren, merienda izan zen gerturatu ziren guztientzat. Ondoren, asanblada egin zuten, eta hurrengo eguenko egitarauaz hitz egin zuten.
Kanpaldia, "errausketaren aurka, eta bizitzaren alde"
18:00etan elkartu ziren astelehenean herriko plazan eta lekua atontzeari ekin zioten. Elkarrekin afaldu, eta asanblada egin zuten 21:30etan, mugimenduaren helburuak, hurrengo egunetako funtzionamendua eta egitaraua zehazteko.