Anoetan bertan aurkitu dute, trenbidearen inguruan, 10:00ak aldera. Ertzaintzatik azaldu dutenez, zauri arinak ditu eta Asuncion klinikara eraman dute.
Atzo goizean atera zen buelta bat ematera eta ez zen itzuli bazkaltzera gizonezkoa. Orduan eman zuen familiak desagerpenaren berri. Atzo arratsaldeko bilaketa lanek ez zuten emaitzarik eman, eta gaur 08:00etan berriz hasi da Ertzaintza, Gurutze Gorria eta DYArekin batera, bilaketa lanetan.
10:00etan Anoetako tren geltokiaren alboan topatu dute. Orientazioa galduta zuen eta hipotermia zantzu batzuk zituen. Anbulantzia bat bertaratu da, eta segidan Asuncion Klinikara eraman dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!