Udal ordezkariek lore sorta eta oroigarria eman zizkioten eta aurreskua dantzatu zioten herriko gazteek. Anjel Mari Peñagarikanok bertsotan gorazarre egin zion Anoetan aurreko mendea hastearekin batera zabaldu zen jatetxe, taberna eta estankoko buru izandakoari.
Hunkituta jaso zuen omenaldia Ixabel Berasategik eta herrikideen besarkadak eta musuak jaso zituen atzo arratsaldean. Arantxa Otaegi, Ixabelen ilobak, udaletxea eta ekitaldian parte hartu zuten herritarrak eskertu ditu.
Anoetako Udalak Berriak Berri berezia kaleratu du eta hainbat anoetarren lekukotzak jaso ditu, Moxtone etxearen inguruan.
