Benjaminak izan dira irteera hartzen lehenak, eta herrian zehar itzuli bat eman eta gero, Goizeder Azurmendi eta Oihan Chavee izan dira lehenak helmugan. Alebinen mailan, berriz, Ane Martin eta Eneko Ortiz izan dira azkarrenak. Ondoren, infantilen txanda izan da, eta maila honetan Igone Urtaza eta Aimar Oiarbide izan dira txapeldunak. Haurren saioa amaitzeko kadete mailako lasterketa izan da, eta Eneida Saldias eta Oier Tejeriak jaso dituzte azkarrenen garaikurrak.
Haurren kroseko argazki galeria
Nagusien mailan, Xabier Agirrezabala zizurkildarra izan da azkarrena. Berarekin batera, Jon Amiama billabonatarrak eta Mikel Sarasola anoetarrak osatu dute podiuma gizonezkoen artean. Emakumeetan lehena, berriz, Oihana Zubillaga izan da; bigarren Kontxi Blanco eta hirugarren Alaitz Rubiños, guztiak anoetarrak.
Helduen kroseko argazki galeria
Parte-hartzearekin oso gustura geratu dira probaren antolatzaileak, Ivan Torres zenaren kuadrillako lagunak: "Joan den urtean Olinpiadak izan ziren Tolosan, eta helduen proba baino ez zen egin. Aurten haurren presentziarekin politagoa izan da", aitortu dute.