Bigarren finalerdia bihar jokatuko da Iruñeko Labrit pilotalekuan. Tainta-Apraiz eta Agirre-Larunberen artekoa izango da partida. Finala apirilaren 2an jokatzea aurreikusten da. Lekua oraindik zehaztu gabe daukate enpresek.
Gaurko finalerdian, Tolosan, Gorka-Tolosa jaun eta jabe izan dira. Markagailuan zuloa zabaldu eta mantentzea lortu dute. Anoetarrak partida borobila jokatu du, eta aurrean, Gorka Arteaga baino gehiago izan da. Jaialdi horretako lehen partidan, bestalde, Jokin Altuna amezketarrak jokatu du, lesiotik osatu ondoren. Merino II.a izan du lagun atzeko koadroetan, eta Victor-Aretxabaletari gailendu zaizkie.