Martxoak 6: Lilatoia
Anoetako Gaztetxeko neska gazteek Donostiako Lilatoian parte hartuko dute, eta ondoren bazkaria egingo dute Gaztetxean.
Martxoak 7: Bilerak
Astelehenean, 15:00etatik 17:00etara, Guretzako, Jatorri ezberdinetako emakume taldearen bilera izango da, Hozpel kaleko lokalean. Horrez gain, herriko festak antolatzeko bilera izango da udaletxean 19:00etan. Ordu erdi lehenago, berriz, Dantza-Soka Eguna antolatzeko bilera egingo da toki berean.
Martxoak 8: Emakumeen Nazioarteko Eguna
Kafe tertulia izango da Josebe Iturrioz feministarekin, udal liburutegian. 15:15ean hasiko da saioa, eta 16:45era arte iraungo du gutxi gora behera.
Martxoak 10: Birziklatzeko kanpaina
Tolosaldeko Mankomunitatea herriz herri dabil Birziklatu tentuz eta zentzuz, gaikako bilketaren aldeko kanpaina egiten. 15:30etik 19:30era plazan izango dira. Parte hartzen dutenek, poltsa berrerabilgarria jasoko dute trukean.
Martxoak 11: Bertso Poteoa
19:30etik hasita, bertso poteoa izango da Oihana Iguaran eta Eli Pagola bertsolariekin. Ondoren, emakumeentzako bertso afaria egingo dute Jubilatuen tabernan. Izen-ematea martxoaren 8ra arte izango da zabalik, eta hiru modu daude: udaletxean, liburutegian, edo tsoto@anoeta.eus helbidean.
Menua: Ahate mousa; entsalada epela gula eta ganbekin; arroz krematsua onddoekin; otarrainxkak plantxan; entrekota patatekin edo legatza plantxan; postrea. Ogia eta edaria barne. Prezioa: 20 euro.
Martxoak 12: Kafe-tertulia
Maitasun erromantikoaren inguruko kafe-tertulia izango da Gaztetxean, 17:00etatik aurrera.
Martxoak 12: Reflexoterapia saioa
Relexoterapia saio teoriko-praktikoa izango da kiroldegian, 09:30etik 13:30era eta 15:30etik 18:30era. Izen ematea udaletxean, liburutegian eta tsoto@anoeta.eus helbidean egin daiteke. Saioak 12 euroko prezioa du.
Martxoak 18: Hitzaldia eta kontzertuak
18:00etatik aurrera, Euskalgintza eta feminismoa hitzaldia izango da Lorea Agirre eta Idurre Eskisabelen eskutik, gaztetxean. Gauean, berriz, bi talderen kontzertuak entzuteko aukera izango da: Gose eta Virenque.
Martxoak 27: Kalejira
Txistularien kalejira izango da, 12:00etatik aurrera.