Kontratu berria sinatu ostean, pozik azaldu da pilotari anoetarra: "Gustura nenbilen, eta orain gusturago nago. Eskertzekoa da enpresak eman didan konfiantza. Motibazio aldetik plus bat da".
Pasa den urtean, promozioko txapela jantzi zuen, baina garaipen gosez jarraitzen azpimarratu du Tolosak, eta momentuz ez doa bide okerretik. Darioren lesioa medio, Gorkarekin osatu du bikotea. "Oso ondo konpontzen naiz berarekin, eta aurten ere txapelaren bila goaz" argitu du.
Erronka nagusia, baina, lehen mailan "muturra sartzea" dela onartu du anoetar gazteak: "Pilotari guztion helburua da lehen mailako pilotaria izatea. Debutatu nuenetik salto bat eman dut eta orain beste bat ematea gustatuko litzaidake. Horretan saiatuko naiz, behintzat".