Izen emateak udaletxean egin beharko dira edo bestela, e-posta bat bidalita, tsoto@anoeta.eus helbidera. Urriaren 23a, ostirala da apuntatzeko azken eguna. Izen ematerako garaian lehentasuna eskualdeko emakumeek izango dute.
Oihulari Klown taldeak antolatutako saioaren prezioa 10 eurokoa da. Famili ugaria, langabetu, ikasle, pentsiodun edo 60 urtetik gorakoek %25eko deskontua izango dute. Gazte txartela aurkezten dutenek, %10koa.
Humor, risa y emociones izenarekin, gaztelaniaz eskainiko du saioa bi egunetan Virginia Imazek. Abraham Olano kiroldegian izango dira saioak, urriaren 31n eta azaroaren 14an, goizez 10:00etatik 13:00etara.