Hirugarren urtez jarraian, Santi Telleriak irabazi du Anoetako zaldi lasterketa. Finalean, hasieratik hartu du aurrea, eta ez du inolako arazorik izan lehen postuan amaitzeko. Kontsolazio tandan atera da Egoitz Luisa herritarra. Eta proba polit baten ondoren, lehen postuan sailkatu da. Sailkapen probetan, zaldun bat eta bere zaldia erori egin dira, baina biek ez dute inongo arazorik edo minik hartu. Hurrengo lasterketan berriro ere parte hartu dute, gainera.
Jaiak bihar amaituko dira, baina gaur, gauak luze joko du. 21:00etan herri afaria egingo dute, eta 23:30ean gazteen dantza egongo da. Ondoren, 3 GABE 2 taldearen emanaldia izango da.