Horrez gain, herri krosa ere izango da larunbatean bertan. Ivan Torres Memoriala gisa izendatu dute, duela 20 urte istripuz hil zen herriko gaztearen omenez.
Lau kilometroko ibilbidea izango du lasterketak, eta gizonezkoen nahiz emakumezkoen mailako azkarrenak trofeoa eta Mahalako saski bat eskuratuko ditu. Gainontzeko parte-hartzaileen artean, Anoetako dendetan kontsumitzeko 30 euroko txekeak zozketatuko dituzte. Izen-ematea, egunean bertan egingo da, 09:15etik 10:00etara bitarte.
Bi ohar
Alde batetik, larunbatean azkenean ez da DJ Bull arituko, eta bere ordez, Bide Batez Erromeria Taldea izango da. Bestalde, ekainaren 6ko herri afarian izena eman nahi dutenek, ostiralera arte izango dute horretarako aukera. Udaletxera edo liburutegira joan beharko dute horretara.
Hemen egitarau osoa:
