De la Iglesiaren arabera, "berrikuntza eta esperientzia" uztartzen dituen taldea aurkeztu du alderdi jeltzaleak: "pertsona berri eta independenteekin eta baita kudeaketan eskarmentua dutenekin ere, batzuk gobernu lanetan aritu baitira legealdi desberdinetan eta administrazioa ezagutzen dute”.
Kepa de la Iglesiarekin batera honakoak osatzen dute EAJ-PNVren hautagaitza Anoetako udalerako: Iñaki Merino, Francisco Berbel, Jose Ignacio Otermin, Rafael Uribarren, Jose Ignacio Fernandez, Jose Martin Uzkudun, Fidez Azpiroz eta Baldovino de Arriba.
Datozen egunotan aurkeztuko dute programa, baina dagoeneko bi konpromiso helarazi dituzte: "zaborren kudeaketaren inguruan galdeketa egitea eta kale eta espaloien berriztapen integrala egitea irisgarriagoak izan daitezen”.