Pertsona fisikoek har dezakete parte lehiaketa honetan, enpresek ez. Kartela festetako egitarauaren azala egiteko ere erabiliko da.
Bi sari ezberdin izango dira
- Ikastolakoentzat: Kuku-Loren erosteko 40€-ko bono bat jasoko du irabazleak.
- Gainontzekoentzat: 120€-ko saria jasoko du irabazten duen kartelaren egileak.
Bi kartel saridunak 2015eko festetako aldizkarian argitaratuko dira, bat azalean eta bestea barruko orrialdeetan.
Kartelek karratuak izan behar dute, eta gehienez neurri hauetakoak: 29,7 zm. X 29,7 zm.
Teknika: Librea, hau da, eskuz egindako marrazkiak, akuarelaz egindakoak etab.
Formatu digitalean ere aurkez daitezke. Azken kasu honetan gutxienez 300 ppi-ko erresoluzioa izan beharko dute, eta .JPG formatuan aurkeztuko dira.
Ondorengo testua agertu behar da: ANOETAKO JAIAK 2015.
Lanak udaletxean edo liburutegian aurkeztu behar dira. Lanarekin batera, eta kartazal itxi baten barnean egilearen datuak sartuko dira (Izen-abizenak, helbidea, telefonoa eta adina). Kartazalaren kanpo aldean eta kartelaren atzeko aldean, berriz, egilearen goitizena.
Pertsona bakoitzak 3 lan aurkeztu ahal izango ditu gehienez.
Epaimahaia Anoetako Jai batzordeak osatuko du, eta eman gabe utzi ahal izango du saria, aurkeztutako lanek kalitate nahikoa ez dutela uste badu.