2015 urteko egitaraua egiteko asmoz argazki lehiaketa antolatu du aurten ere Anoetako Udalak. Azaroaren 5a bitarte aurkeztu beharko dira argazkiak bi modu desberdinetan. Argazkiak paperean inprimatuak eta formatu digitalean eman beharko dira eta bi moduak derrigorrezkoak dira, ez aukerakoak.
Argazki inprimatuak udaletxean aurkeztu beharko dira eta formatu digitala disko batean edo euskara@anoeta.net helbidera bidalita aurkeztuko da. Argazkia inprimatuak 13x18ko tamaina izan beharko du gutxienez eta digitalak 3000x2000 pixeleko tamaina.
Parte hartzaile bakoitzak hiru argazki aurkeztu ditzake lehiaketara eta Anoetan erroldatutakoek soilik parte hartu dezakete. Argazki bakoitzarekin batera esaera zahar edo esamolde jator bat aurkeztu beharko da, argazkiarekin lotura duena. Egilearen datuak eta kontakturako medio bat aurkeztu beharko dira argazkiekin batera. Argazkia non atera den eta bertan zer ikusten den ere esan beharko da.
Leku eta garai desberdinetako jantziak da aurtengo gaia
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!